| | 2009年07月30日 <<朋友 or 敵人????>> 離上一次打blog又隔左半年luu....對上一次係blog提及既人, 係今個月既月頭突然自行離職左. 以佢平時對事既態度, 佢咁做我地一d都唔感到驚訝. 人雖然離開左, 但走得一d都唔大方...好多野係唔需要講出口, 大家係有眼見既...對一個人偏見太重都係唔應該, 好可能...佢好既一面係我地睇唔到姐~~~ 琴日, 比我知道左一件我從來都無諗過識左超過兩年既人, 佢對我既睇法竟然係咁...咁偏激同差劣. 我由某渠道得知, 而去睇左佢個blog...入面有几篇野, 大多都係講我同公司d同事, total夾埋有成6個page. 字裡行間關於我既不外乎既係 : 1. 為錢 : 將要交接既booking, 開晒file先...因為開booking既人係我, so d commision就入我數, 佢分少d... **我點解要轉做返thailand market, 任何人都好清楚點解. 因為係你好姐妹既問題...佢跟thai market後, 成日比人閙話泰國部好亂(佢跟時, 我有睇...但唔係個個booking都要我再重頭check一次下ma...以船票為例, 試過好多次阿7晨早或者係放假打比我, 有錯, 要改丫...係一兩個鐘頭內既事丫...急!!! 我成日比阿偉發我悔氣, 唔改得丫....%^%&$, 我一句都無話返佢丫, 同佢講返仲要好似無野咁...咁我可以點丫??明明做錯野唔係我, 我都要幫人食左隻死貓佢...公司又比人black list, 咁怪边個丫), 跟住又突然走左. 所以, 我先被調返出來...仲有個陣開會有老闆娘, lousie, stephanie & 我, 我同louise都話好似一開始咁我做野咁跟返, 反正以前未請佢個時都係咁做架la.係stephanie同老闆娘堅持唔比我跟thai之外既market(唔通我又要拎出來講咩, 好多野唔需要樣樣講lor), 而且計糧同commision既都係老闆娘.(咩你覺得老闆娘會計錯數咩...). 當時, 我手上有d Penang既booking, 我覺唔好意思, 因為之前agent落左, 但未得閒開. 所以, 我先開晒再交比你. 但"人心當狗屁", 我竟然比你話, 我係為commision, 為左比人睇我做左几多野先咁做...(你當我係咩丫??下?? 我真係要學老闆娘講句"我真係好嬲丫") 2.為地位/博上位 : 擦manager(louise)鞋, 明明無野做, 但又留到好遲走, 扮勤力...但事實上就陪阿ger食飯, 行街...等louise鍚晒我, 唔使我做野, 而又分到多錢. **我同你, 係入尼間公司之前就己經識louise, 個陣我地都已經好friend架la...當然, 依家更friend....咁又如何??? 一間公司放工後, 身份除左同事/上司/下屬, 唔通就唔可以交朋友丫...等埋一齊行下街, 食下飯, 唔得咩!!! 人當然會偏心, 但也有公平既偏心...是問, 有邊個人會唔偏心先...但louise係一個好人, 佢都好鍚我地, 聖誕節又買禮物送比我地. 雖然, 佢有時好長氣, 同問非所答...但我地做錯野, 佢都盡幫我地, 就算比老闆閙完都係自已吞左佢, 永遠都無好惡咁閙返我地. 而我, 如果擦鞋, 我做咩要擦louise既鞋...我可直接擦老闆/老闆娘既鞋, 討好佢地咪得lor, 我可以連louise都唔使驚la... <<我承認, 有時你叫我做野, 我係有d唔願意. 因為我覺得點解你自已唔做, 而每次咁岩都係係我好忙既時候問我, 我唔係你想像入面既"無野做架", 但妳開到口...我都無拒絕你丫. 另外, 你話你交低比我既野, 我無幫你做過...憑良心講句, 我真係一d都無做過?? 我只係浄返一份野無做晒, 咁係因為...我咁岩個几日thai團d野好忙, 又見妳個booking係8月...所以, 無做晒你所交帶既.>> 妳blog上面寫既野, 我都覺得十分可笑....睇完而且仲好嬲... 好老實講, 我地由都算几fd既朋友慢慢變成無野講既普通朋友, 依家只係超普通同事...一向, 我十分重視我既朋友. 曾經, 你都係我份LIST上面, 但...我諗, 我地無可能再做朋友laa (你要係我份list上被delete), 因為你對我成見太太深la (被你講到"cheap人 x n次", "擦鞋精", "為錢, 博上位"....), 你知唔知, 我睇完好hurt, 每次諗到都有眼濕濕(好想喊, 但忍忍忍)...我對天對地發誓, 我從來都無諗過要"擦鞋精", "為錢, 博上位"....亦都無耍任何手段想要去得到d咩....平時既我, 對住你地"嘻皮笑臉", "搞怪"...呢d係一向既我, 從我地認識既第一日開始, 我個性格就係咁...我唔需要同人扮friend. 鍾意就玩多d, 講下笑, 周圍搞...唔鍾意既, 我唔會去聊你(就好似simmy咁), 亦唔會主動去搞鬼你. 甚至乎, 平時唔會同你講野. 對我而言, 只係一個普通同事. 與此同事, 這正係妳覺得我"神神秘秘, 好多野都無妳講既原因". 當你發現有一日我用咁既態度去對你, sorry...我已經唔受妳玩laa, 我地要講88 laa... 我尼d "cheap人" 會離開妳, 放心laa.... P.S 1: 如果妳又咁岩從某渠道睇到我尼篇blog, 希望妳睇完真係會明白. 我花左三個鐘係屋企打左尼篇blog, 所有既野都係出於我真心既, 妳唔信都唔緊要, 我唔想再去介意, 另自己唔開心. 我只想kimmie妳會睇完我所寫既野, 同埋...我想提提妳, 諗野...唔好只往壞個面去諗, 唔係人人都係你想像咁架, 唔係人人都會想同妳做敵人. 點解你要咁偏激地去諗我地?? 但無論點樣, 我地大家心中都會有條唔可以磨滅既刺...永遠都無辦法去化解....(如果妳仲係覺得我係假, 我諗...你唔會care) P.S 2: 我岩開左妳個名, 我希望妳會睇到尼篇BLOG...過d日子丫, 我盡量會將''佢"放係你會去睇既地方, 等你發現"佢"...(for the moment, it's still hurt....not come down yet!!!) |
